15 сакавіка Цэнтр еўрапейскай трансфармацыі сумесна з Міжнародным кансорцыюмам «ЕўраБеларусь» зладзілі круглы стол «Напярэдадні палітычнага сезону: стратэгіі і контрстратэгіі». Прадстаўнікі грамадзянскай супольнасці прадставілі «Стратэгію-2012: ад дыялогу ўнутры дэмакратычных сіл да дыялогу з рэжымам». Стратэгію распрацавалі прадстаўнікі «трэцяга сектара».

На круглым стале было заслухана пяць дакладаў экспертаў, што да далейшай стратэгіі і контрстратэгіі, аналізу цяперашняй сітуацыі. Алесь Лагвінец, прадстаўнік Руху «За Свабоду» спрагназаваў тры магчымыя варыянты развіцця падзей у Беларусі: азербайджанскі, румынскі і польскі, па якіх можа пайсці Беларусь. Згадваліся і Лівія з Егіптам... Але ёсць чыннікі, якія могуць паўплываць на далейшае развіццё:

«Першае — гэта незадаволенасць эканамічнай палітыкай уладаў. Другое — гэта моцныя паспяховыя дэмакратычныя змены. Гэта моцныя праеўрапейскія, празаходнія настроі. Трэці чыньнік — гэта тое, што нацыянальныя дэмакратычныя сілы грунтуюць свой пратэст таксама на пытаннях саматоеснасці. Ну, і самае апошняе — гэта чыннікі, якія не тычацца апазіцыі, але таксама вельмі важныя: гэта ступень кансалідаванасці рэжыму».

Дырэктар Цэнтра еўрапейскіх трансфармацый, палітоляг Андрэй Ягораў прадставіў «Стратэгію-2012: ад дыялогу ўнутры дэмакратычных сіл да дыялогу з рэжымам». Адзін з асноўных тэзізаў — апазіцыі трэба аб'яднацца і падчас дыялогу з уладамі дамагчыся правядзення свабодных і дэмакратычных парламенцкіх выбараў у 2012 годзе. Мэта апазіцыі — заваяваць 15-20% месцаў у парламенце. Але для гэтага неабходная сапраўдная кансалідацыя дэмакратычных сіл у грамадзтве.

Незалежны эксперт Пётар Марцаў задае рытарычнае пытаньне наконт перамоў з уладамі:

«А чаму вы лічыце, што яны сядуць размаўляць? Не таму, што схема дрэнная, (мне, да прыкладу, стратэгія падабаецца). А таму, што з гэтымі людзьмі, якія шмат-шмат гадоў выступалі супраць Лукашэнкі асабіста, ён з гэтымі людзьмі за стол перамоў не сядзе. Больш за тое, палова з іх за кратамі...»

На думку Пятра Марцава, у палітыцы ўсё вырашаюць партыі:

«І калі ўжо ёсць факт, што пратэстны электарат значна шырэйшы за апазіцыйны, значыць, трэба працаваць над аналізам ідэй, што можа прыцягнуць. Таму я б рэкамендаваў тэхналогію (гэта нават не стратэгія): шукаць аднадумцаў і ствараць нейкую новую буйную палітычную сілу».

Меркавалася, што стратэгія будзе абмеркавана падчас прадстаўнічай канферэнцыі «Роля і месца грамадзянскай супольнасьці ў стратэгіі будучыні», якая павінна была адбыцца 18-19 сакавіка. Аднак аргкамітэту было адноўлена ў памяшканні і Мінскім міжнародным адукацыйным цэнтрам, і гатэлем «Краўн Плаза». Таму канферэнцыя пераносіцца на красавік.

Радыё «Свабода»

См. также:

• Стенограмма и видео пресс-конференции Национальной платформы ФГО ВП (18 марта 2012 года)
• Владимир Мацкевич: ответы на возражения к «Стратегии-2012» (Видео)
• Татьяна Водолажская: Новое объединение оппозиционных сил. Хотели как лучше...