Кансорцыум акадэмічных і экспертных інстытуцый аб’яўляе трэці набор на Міжнародную PhD-праграму для Беларусі па сацыяльных і гуманітарных дысцыплінах.

Удзельнікі кансорцыума:

• Інстытут палітычных даследаванняў «Палітычная сфера» (Беларусь);
• Міжнародны кансорцыум «ЕўраБеларусь» (Беларусь);
• Беларускі калегіум (Беларусь);
• Даследчы цэнтр Інстытута прыватызацыі і менеджменту (ІПМ; Беларусь);
• Беларускі інстытут стратэгічных даследаванняў (BISS; Беларусь);
• Беларускі эканамічны даследча-адукацыйны цэнтр (BEROC; Беларусь);
• Інстытут Вялікага княства Літоўскага (Літва);
• Універсітэт Вітаўта Вялікага (Літва);
• Інстытут Усходняй Еўропы Варшаўскага ўніверсітэта (Польшча).

Адміністраванне Міжнароднай PhD-праграмы для Беларусі ажыццяўляе Інстытут палітычных даследаванняў «Палітычная сфера».

Праграма арганізавана па завочным прынцыпе. Доктарская дысертацыя пішацца ў Беларусі, завершаны (ці завершаны ў значнай ступені) тэкст прадстаўляецца для абароны завочна ці экстэрнам ва ўніверсітэтах Літвы, Польшчы і іншых еўрапейскіх краін. Выбар універсітэта для абароны дысертацыі ажыццяўляецца на індывідуальнай аснове ў залежнасці ад лінгвістычнай падрыхтоўкі, тэмы дысертацыі і іншых параметраў.

Асноўнымі акадэмічнымі партнёрамі праграмы з’яўляюцца Універсітэт Вітаўта Вялікага ў Літве і Варшаўскі ўніверсітэт у Польшчы.

Праграма забяспечвае: навуковае кансультаванне, тэхнічную дапамогу і акадэмічную камунікацыю форме семінараў, сувязі з замежным універсітэтам і адстойвання інтарэсаў аўтара дысертацыі, а таксама кампенсацыю ўсіх выдаткаў, звязаных з абаронай (у тым ліку ганарараў беларускім і замежным кансультантам і збораў універсітэтаў за абарону. Таксама можа разглядацца пытанне пакрыцця выдаткаў на транспарт, пражыванне, навуковую літаратуру і інш.).

Тэкст дысертацыі можа быць на англійскай, беларускай, рускай ці польскай мове. Выбар мовы залежыць ад навуковай дысцыпліны, тэмы дысертацыі і ўніверсітэта, дзе будзе ажыццяўляцца абарона. Стандартны тэрмін навучання на праграме — тры гады. Час навучання можа быць скарочаны ці працягнуты на індывідуальнай аснове.

Патрабаванні да кандыдатаў:

• Завершаная вышэйшая адукацыя (дыплом ВНУ ці ступень магістра).
• Валоданне беларускай і рускай мовамі ў ступені, дастатковай для разумення лекцый і напісання тэкстаў. Валоданне англійскай мовай з’яўляецца пажаданым.
• Наяўнасць навуковых, экспертных ці аналітычных публікацый.

Да разгляду прымаюцца заяўкі па сацыяльных і гуманітарных дысцыплінах (акрамя правазнаўства і псіхалогіі).

Для ўдзелу ў конкурсе неабходна даслаць:

• Рэзюме (CV) з фотаздымкам, пазначэннем адукацыі, прафесійнага досведу, публікацый і іншай рэлевантнай інфармацыі.
• Матывацыйны ліст у адвольнай форме. Aб’ём: да 2 старонак.
• Кароткае апісанне дысертацыйнага даследавання, якое мусіць утрымліваць: тэму, апісанне праблемы даследавання, план, спіс літаратуры (не больш за 10 пазіцый). Агульны памер: да 5 старонак.

Заяўкі прымаюцца да 20 кастрычніка 2013 года ў электронным выглядзе на паштовую скрыню: [email protected].

Вынікі адбора будуць вядомыя на працягу месяца пасля завяршэння падачы заявак. Па выніках конкурса будзе адабрана 5 чалавек.

У верасні 2013 года адбудзецца семінар па напісанні заяўкі для ўдзелу ў конкурсе.

За дадатковай інфармацыяй звяртайцеся на адрас электроннай пошты: [email protected].