Выстава «Візуальныя вобразы гістарычнай памяці, альбо Вялікае княства Літоўскае на старажытных геаграфічных мапах» з 22 верасня аднавіла сваю працу па новым адрасе: Мінск, вул. Траецкая набярэжная, 6.

Старажытныя мапы ўяўляюць сабой унікальныя артэфакты і валодаюць магічнай сілай. Гэта сваеасаблівыя парталы ў часе, візуальная машына часу, якая дазваляе нам вандраваць па розных часах і прасторах, гісторыях, мовах і культурах і праз гэта шукаць, разумець, суадносіць і канструяваць сябе ў новых кантэкстах і межах. Халсціны мап пагружаюць нас у свет вобразаў, ментальную, духоўна-эмацыйную прастору, у глыбіні нашага падсвядомага — туды, дзе нараджаецца чалавечае Я і ягоная культура. Да таго ж гістарычныя мапы — гэта каштоўнасць таксама і іншага кшталту, бо многія з іх з’яўляюцца сапраўднымі творамі мастацтва і выяўляюць жывапісную і друкарскую культуру сваёй эпохі.

Выстава «Візуальныя вобрвзы гістарычнай памяці, альбо Вялікае княства Літоўскае на старажытных геаграфічных мапах» будзе працаваць з 22 верасня па 3 лістапада 2014 года ў Траецкім прадмесці па адрасе: Мінск, вул. Траецкая набярэжная, 6.

Экспазіцыя выставы папоўнілася яшчэ адным унікальным гістарычным артэфактом. Представлена ​​першая з вядомых айчынных геаграфічных мапаў першай паловы XVI стагоддзя картографа Антонія Віда.

Чаму першай мапа з ВКЛ стала першай мапай Масковіі, Азіі і Сібіры? Чаму імя першага картографа ВКЛ і заснавальніка айчыннай картаграфіі застаецца незапатрабаваным? Што тоіць у сабе гісторыя ўнікальнага геаграфічнага артэфакта? Пра гэта вы зможаце даведацца, наведаўшы экспазіцыю, а таксама калі возьмеце ўдзел у дыскусіі «Антоній Від — першы картограф Вялікага княства Літоўскага. Гісторыя аднаго геаграфічнага артэфакта», якая адбудзецца ў межах выставы 10 кастрычніка (пачатак у 17.00).

Глядзіце таксама пра падзеі, якія раней адбыліся падчас выставы:

• Беларусы радыкальна змянілі картаграфічнае ўяўленне еўрапейцаў (Фота)
• Чаму нас няма на культурнай мапе Еўропы? (Фота і відэа)
• Беларуская мапа — антыкаланіяльны праект супраціву (Відэа)
• Стракатая сітуацыя вакол гістарычнай картаграфіі Беларусі (Фота і відэа)
• Чаму таемная Alba Russia не пакінула нашчадкам антыкварыяту? (Фота і відэа)