Калоквіум-дыскусія «Аляксандр Грыцанаў і яго справа» (Фота і відэа)

22.09.2016
Лятучы ўніверсітэт

20 верасня 2016 года Лятучы ўніверсітэт у межах Тыдня беларускага мыслення зладзіў дыскусію, прысвечаную беларускаму філосафу, культуролагу, энцыклапедысту і публіцысту Аляксандру Грыцанаву, які сыйшоў з жыцця больш пяці гадоў таму.

«Быць беларусам — гэта не толькi i не столькi добра разумець тых, хто размаўляе на матчынай мове (а таксама па-расейску, па-польску i па-ангельску), але яшчэ i змагацца за гонар нашае зямлi. Дзеля гэтага ствараць рэчы (найперш, у сэнсе творчасцi) сусветнай якасцi», — такую думку выказаў Аляксандр Грыцанаў у 2010 годзе ў межах праекта «Быць беларусам».

Як такое магчыма, каб адзін чалавек стварыў столькі «рэчаў «сусветнай якасці»: энцыклапедыі па філасофіі, рэлігіі, постмадэрнізме ды іншым, якія сталі вядомымі далёка па-за межамі Беларусі? Якім чынам змог аб’яднаць вакол сябе столькі даследчыкаў?

У камернай атмасферы ўспомнілі і паразмаўлялі пра Аляксандра Грыцанава, яго праекты і ягоны час: Уладзімір Мацкевіч, Канстанцін Скуратовіч і Мікалай Кацук.

Больш фота з імпрэзы глядзіце па спасылцы.

Відэазапіс дыскусіі:


Другие публикации