На Дыстанцыйнай платформе Лятучага ўніверсітэта з’явіўся новы курс, накіраваны на тое, каб дапамагчы чалавеку арыентавацца ў сучаснай палітыцы.

Анлайн-курс «Практычная палітыка» распрацаваны разам з Цэнтрам еўрапейскай трансфармацыі. Гэта першы з пяці курсаў, які створаныя, дзякуючы краўдфандынгавай кампаніі «ВЕДЫ ONLINE».

Як арыентавацца ў свеце палітычнага? На жаль, да сёння пад палітыкай па-ранейшаму разумеецца любая дзейнасць традыцыйных палітычных суб’ектаў: дзяржавы, партый і рухаў, грамадскіх арганізацый, міжнародных структур. У такім уяўленні палітыка апынаецца адчужанай ад чалавека, бо ён не можа ёй авалодаць і, у выніку, выціскаецца на перыферыю грамадскага жыцця.

Аўтар курса — Андрэй Ягораў, беларускі палітолаг і метадолаг, грамадскі дзеяч, дырэктар Цэнтра еўрапейскай трансфармацыі, кіраўнік Рады Міжнароднага кансорцыума «ЕўраБеларусь».

У межах курса вы разам з аўтарам будеце мець магчымасць разабрацца з наступнымі пытаннямі:

• Як адрозніць палітычную сітуацыю ад усіх іншыш?
• Як уладкаваная палітыка, па якой схеме можна планаваць, здзяйсняць і разумець палітычныя дзеянні?
• У якіх дачыненнях знаходзяцца палітыка і знакавая рэальнасць, экран грамадскай свядомасці, веда, тэхналогіі і ідэалогія?
• Як магчыма ўзнавіць палітыку ў Беларусі?

Прайсці курс можа любы карыстальнік Дыстанцыйнай платформы Лятучага ўніверсітэта. Для таго каб стаць карыстальнікам платформы, дастаткова проста зарэгістравацца.

Глядзіце анонс курса «Практычная палітыка»:

Падпісвайцеся на наш Telegram-канал
«Думать Беларусь»!