Уладзімір Мацкевіч: Экалагічнаму бежанству пакуль мала хто прысвячае ўвагу (Аўдыё)

24.06.2018
«Польскае радыё для замежжа»

За бежанства ў вялікай ступені адказвае вайна, але неўзабаве можа рэзка вырасці лічба экалагічных уцекачоў.

Ніколі яшчэ на свеце не было столькі бежанцаў. На працягу апошняга года іх колькасць вырасла на 2,9 млн. чалавек. Людзі пакідаюць свае дамы не ад добрага жыцця, а ўцякаючы ад войн і пераследу. Неўзабаве можа рэзка вырасці таксама лічба экалагічных уцекачоў.

20 чэрвеня адзначаецца Сусветны дзень бежанца. З гэтай нагоды сродкі масавай інфармацыі паведамляюць пра рэкордную колькасць уцекачоў на свеце. Пад канец мінулага года іх было 68,5 млн. чалавек. Гэта як тыя людзі, якія перасеклі мяжу сваёй айчыны і выехалі ў іншую краіну, так і асобы, якіх прыйшлося перасяліць унутры адной дзяржавы. На кожныя 110 чалавек на свеце прыходзіцца адзін бежанец, кожныя дзве секунды хтосьці прымушаны пакінуць свой дом, каб ратаваць жыццё. Лічба ўцекачоў расла ўжо шосты год запар.

Адна з самых частых прычын бежанства — гэта ваенныя канфлікты. Многія людзі шукаюць таксама лепшай долі, паколькі ў сваёй краіне яны не могуць наладзіць стабільнае жыццё. Іх таксама ў пэўнай ступені можна назваць бежанцамі.

На дадзены момант за бежанства ў вялікай ступені адказвае вайна ў Сірыі, адкуль за мяжу прыйшлося з’ехаць ужо больш чым шасці мільёнам жыхароў. Найбольш уцекачоў прыняла Турцыя — 3,5 млн. На другім месцы Ліван, дарэчы, у гэтай краіне налічваецца найбольш бежанцаў на душу насельніцтва. Калі б Польшча захацела дагнаць Ліван па гэтым паказчыку, яна павінна была б прыняць 6,4 млн. уцекачоў. Далей ідуць Іарданія, Нямеччына, Ірак, Егіпет і Швецыя. Бежанства — гэта вялікая праблема для Еўропы, але найбольш мігрантаў прымаюць якраз не самыя заможныя краіны Захаду, а такія дзяржавы, як Турцыя, Пакістан і Уганда.

Ваенныя канфлікт і галеча на свеце з’яўляюцца асноўнай прычынай бежанства, але неўзабаве да іх могуць далучыцца кліматычныя змены, паколькі з-за іх некаторыя рэгіёны на Зямлі стануць непрыгодныя для жыцця, адзначае ў інтэрв’ю «Польскаму радыё» філосаф і метадолаг Уладзімір Мацкевіч:

«Праблема бежанства будзе павялічвацца. На сённяшні дзень Еўропа мае справу з большага з палітычнымі бежанцамі, але найбольш нам пагражаюць экалагічныя бежанцы. Экалагічныя змены могуць зрабіць непрыдатнымі для жыцця цэлыя густанаселеныя рэгіёны. Мяняецца клімат, і звычайныя формы гаспадаркі стануць немагчымымі. Кудысьці гэтым людзям прыйдзецца падзецца».

Не відаць, каб тузоў палітычнага жыцця гэтая праблема моцна займала. Пакуль што яны гасяць пажары, думаюць, што зрабіць з тымі людзьмі, якія прыбываюць у Еўропу ў выніку ваенных канфліктаў. Праблеме будучыні — экалагічнаму бежанству пакуль мала хто прысвячае ўвагу, кажа Уладзімір Мацкевіч:

«Не бачна пакуль не толькі пладатворнай ідэі на гэты конт, але гэта нават не выносіцца на абмеркаванне, каб да яго далучыліся навукоўцы, спецыялісты. І каб грамадзяне заможных краін, куды могуць пацягнуцца бежанцы, самі задумаліся пра гэта. не факт, што Еўропу не закране глабальная катастрофа. Еўрапейцы таксама могуць зняцца са сваіх месцаў. Гэта велізарная праблема, якая можа напаткаць нас у бліжэйшыя дзесяцігоддзі».

Экалагічных бежанцаў пакуль што мала, большасць уцекачоў — гэта людзі, якія здымаюцца з абжытых месцаў у выніку ваенных канфліктаў. Аднак войны калісьці закончацца, а кліматычныя змены будуць паглыбляцца.

Праблема ўцекачоў існуе таксама ў Беларусі. Нямала ўкраінцаў шукала тут прытулку ў выніку вайны на Данбасе, акрамя таго, Беларусь — транзітная краіна, праз якую праходзіць адзін са шляхоў перасялення людзей у Заходнюю Еўропу.


Другие публикации

  • Андрэй Вітушка — аб беларускай медыцыне (Відэа)

    10.09.2021
    Аналітычны праект «Чацвёртая Рэспубліка»

    Аналітычны праект «Чацвёртая Рэспубліка» — гэта спроба пошуку падстаў і магчымых варыянтаў будучыні Беларусі, разгляд пытанняў пераходу ад існуючай у цяперашні час у краіне палітыка-эканамічнай мадэлі да варыянту сучаснай дэмакратычнай дзяржавы.

  • Татьяна Водолажская — о реформах в образовании (Видео)

    09.09.2021
    Аналитический проект «Четвертая Республика»

    Аналитический проект «Четвертая Республика» — это попытка поиска оснований и возможных вариантов будущего Беларуси, рассмотрение вопросов перехода от существующей в настоящее время в стране политико-экономической модели к варианту современного демократического государства.

  • Владимир Дунаев — об образовании (Видео)

    08.09.2021
    Аналитический проект «Четвертая Республика»

    Аналитический проект «Четвертая Республика» — это попытка поиска оснований и возможных вариантов будущего Беларуси, рассмотрение вопросов перехода от существующей в настоящее время в стране политико-экономической модели к варианту современного демократического государства.

  • Владимир Мацкевич — о будущей конституции (Видео)

    07.09.2021
    Аналитический проект «Четвертая Республика»

    Аналитический проект «Четвертая Республика» — это попытка поиска оснований и возможных вариантов будущего Беларуси, рассмотрение вопросов перехода от существующей в настоящее время в стране политико-экономической модели к варианту современного демократического государства.

  • Максим Богрецов — об IT-секторе (Видео)

    06.09.2021
    Аналитический проект «Четвертая Республика»

    Аналитический проект «Четвертая Республика» — это попытка поиска оснований и возможных вариантов будущего Беларуси, рассмотрение вопросов перехода от существующей в настоящее время в стране политико-экономической модели к варианту современного демократического государства.