Нацыянальная каардынацыйная рада дэмакратычных сіл Беларусі 17 сакавіка зноў вяртаецца да абмеркавання адзінай стратэгіі дзеянняў. Сваю праграму будзе прадстаўляць праваабарончы рух «Наша Беларусь».

Палітычная апазіцыя і грамадзянская супольнасць спадзяюцца праз палеміку і дыскусіі выпрацаваць агульны план, які б дапамог пазбегчы ранейшых памылак.

Праваабарончы рух «Наша Беларусь» утвораны як адзін з кірункаў дзейнасці каардынацыйнай Рады індывідуальных прадпрымальнікаў Беларусі, тлумачыць праваабаронца Ігар Леднік.

Ён кажа, што стратэгія прадпрымальнікаў найперш адлюстроўвае іхнае бачанне карэннай змены сітуацыі ў Беларусі. Таму ў стратэгіі прапісана: «Пераход ад плана да рынку — гэта супрацьстаянне інтарэсаў уласнікаў і наменклатуры. Ад гэтага і павінна будавацца стратэгія паспяховага пераходу ад дыктатуры да дэмакратыі».

Стратэгія прадпрымальнікаў мае назоў «Еўропа без дыктатур». Пытаюся ў Ігара Ледніка, у чым прынцыповае адрозненьне гэтага дакументу ад «Стратэгіі-2012», якую падрыхтаваў Цэнтр еўрапейскай трансфармацыі:

«Стратэгія-2012» больш скіравана на парламенцкія выбары. А наша стратэгія скіравана на еўрапейскую інтэграцыю. Я лічу, што калі Беларусь знаходзіцца цяпер у еўрасаюзаўскай праграме «Усходняе партнёрства», то трэба гэтым скарыстацца. І будаваць нашу стратэгію трэба разам з еўрапейскім спецыялістамі. «Еўропа без дыктатур» прадугледжвае, што пераход да дэмакратыі будзе вырашацца не проста санкцыямі. Праблема рэспрэсій у Беларусі стане праблемай для усёй Еўропы».

У стратэгіі прадпрымальнікаў важнае месца займае супрацьдзеянне палітычным рэпрэсіям з боку беларускіх уладаў і рэабілітацыя іх ахвяр, адзначае Ігар Леднік:

«Правядзенне віктымізацыі, то бок ператварэння грамадзян у ахвяры, нас вельмі непакоіць. Менавіта прадпрымальнікі прапанавалі стварэнне спецыяльнай камісіі па рэабілітацыі ахвяр палітычных рэпрэсій. Якраз гэта, на наш погляд, магло б аб'яднаць палітыкаў. Але, на жаль, пакуль гэтая справа не рухаецца».

Андрэй Ягораў — дырэктар Цэнтра еўрапейскай трансфармацыі і адзін з аўтараў «Стратэгіі-2012» — працуе з «Нашай Беларусьсю» і Ігарам Леднікам фактычна на адной пляцоўцы — грамадзянскай супольнасці. Ці можа з гэтых дзвюх канцэпцый з'явіцца адна ўзгодненая, цікаўлюся ў спадара Ягорава:

«На мой погляд, яго прапановы занадта абстрактныя і тэарэтычныя. З таго, што там пішацца, наўрад ці што можна рэалізаваць. Вядома, было б добра, каб так яно само сабою сталася. Але ж яно само сабою так не стане. У гэтай стратэгіі не прапісаны шлях дасягнення пастаўленай мэты».

«Стратэгію-2012» планавалі абмеркаваць падчас канферэнцыі «Роля і месца грамадзянскай супольнасці ў стратэгіі будучыні», што мела адбыцца 18-19 сакавіка. Аднак арганізатарам адмовілі ў памяшканні. Таму канферэнцыя пераносіцца.

Радыё «Свабода»

См. также:

• Стенограмма и видео пресс-конференции Национальной платформы ФГО ВП (18 марта 2012 года)
• Владимир Мацкевич: ответы на возражения к «Стратегии-2012» (Видео)
• Татьяна Водолажская: Новое объединение оппозиционных сил. Хотели как лучше...