«Будучае Форума грамадзянскай супольнасці ў фокусе трэцяга Саміта Усходняга партнёрства» — гэтай тэме будзе прысвечана чарговая канферэнцыя беларускай Нацыянальнай платформы Форума грамадзянскай супольнасці Усходняга партнёрства.

Чарговая канферэнцыя Нацыянальнай платформы будзе прысвечана пытанням развіцця дзейнасці Форума як аднаго з элементаў і зацікаўленых бакоў Усходняга партнёрства, будучаму праграмы пасля Саміта Усходняга партнёрства ў Вільні ў лістападзе 2013 года, абмеркаванню планаў актыўнасці Нацплатформы на бліжэйшыя месяцы.

Нацыянальная платформа Форума грамадзянскай супольнасці Усходняга партнёрства была заснавана ў ліпені 2010 года і стала агульнай пляцоўкай для кансалідацыі і каардынацыі дзеянняў арганізацый грамадзянскай супольнасці Беларусі дзеля дэмакратызацыі краіны і набліжэння да еўрапейскіх стандартаў ва ўсіх сферах жыцця грамадства. У кастрычніку 2011 года быў прыняты Мемарандум аб супрацоўніцтве ў межах Нацыянальнай платформы, які замацоўвае асноўныя прынцыпы, каштоўнасці і мэты дзейнасці Нацплатформы. Мемарандум адчынены для падпісання ўсімі зацікаўленымі арганізацыямі грамадзянскай супольнасці краіны. Арганізацыі, якія падпісалі Мемарандум, атрымалі статус сталых удзельнікаў Нацыянальнай платформы грамадзянскай супольнасці. У лістападзе 2012 года была таксама прынята Канцэпцыя развіцця і дзейнасці Нацыянальнай платформы.

Удзел у канферэнцыі могуць прыняць як сталыя ўдзельнікі Нацыянальнай платформы, якія падпісалі Мемарандум аб супрацоўніцтве, так і іншыя арганізацыі (без права голасу). Для ўдзелу ў канферэнцыі неабходна да 31 кастрычніка 2013 года (уключна) даслаць заяўку на адрас электроннай пошты: [email protected].

З-за абмежаванай колькасці месцаў асобы, якія не дашлюць заяўкі на ўдзел да пазначанага тэрміну, не змогуць прыняць удзел у канферэнцыі.

Усю інфармацыю пра канферэнцыю можна таксама знайсці на сайце Нацыянальнай платформы: npbelarus.info.

Спампаваць:

• Запрашэнне да удзелу

• Праграма Канферэнцыі 

• Форма заяўкі

UPD.: Гл. відэазапіс канферэнцыі