23-25 верасня 2015 года ў межах Форума грамадзянскай супольнасці Усходняга партнёрства 60 прадстаўнікоў грамадзянскай супольнасці, урадаў і інстытутаў ЕС сустракаюцца ў Тбілісі (Грузія), каб абмеркаваць прагрэс і падзяліцца досведам у рэалізацыі пагадненняў аб асацыяцыі з ЕС і стварэння Паглыбленай і ўсеабдымнай зоны свабоднага гандлю (DCFTA).

У чэрвені 2014 года былі падпісаныя двухбаковыя пагадненні паміж ЕС і трыма ўсходнімі партнёрамі — Грузіяй, Малдовай і Украінай — з доўгатэрміновай перспектывай больш цеснай палітычнай і эканамічнай інтэграцыі. Паспяховая рэалізацыя пагадненняў аб асацыяцыі і дамовы DCFTA у Грузіі, Малдове і Украіне была вызначаная ў якасці асноўнага чынніку поспеху ініцыятывы «Усходняе партнёрства».

Семінар, які пройдзе 23-25 верасня 2015 года, прапаноўвае шматлікія магчымасці для ўдзельнікаў, каб параўнаць сітуацыі ў краінах з пункту гледжанья структуры, стратэгіі і шляхоў рэалізацыі пагадненняў аб асацыяцыі з ЕС і стварэння зон свабоднага гандлю. Семінар будзе складацца з інтэрактыўных дыскусій і практычных заняткаў, падчас якіх сябры Кіруючага камітэта Форума будуць гуляць актыўную ролю ў якасці мадэратараў і дакладчыкаў. Панэльныя сесіі будуць суправаджацца мэтавымі паралельнымі сесіямі, на якіх удзельнікі будуць рыхтаваць рэкамендацыі для НДА па тым, як павялічыць сферы свайго ўздзеяньня ў краінах Усходняга партнёрства.

На мерапрыемстве, сярод іншых, Беларускую нацыянальную платформу будуць прадстаўляць старшыня Каардынацыйнага камітэта БНП Святлана Каралёва і нацыянальны каардынатар Форума па Беларусі Андрэй Ягораў.

Праграму семінара па-ангельску можна паглядзець тут 

npbelarus.info