Да 30 кастрычніка 2015 года «Беларускі калегіюм» прымае заяўкі на адукацыйную праграму «Еўрапейскі Саюз: палітыка, грамадства, культура».

Праграма створаная ў партнёрстве з Інстытутам палітычных даследаванняў «Палітычная сфера» і Грамадскім аб’яднаннем «Ліберальны клуб».

Праграма прапануе атрымаць паглыбленыя веды ў вобласці палітыкі, грамадства і культуры Еўрапейскага Саюза, а таксама разнастайных аспектаў беларуска-еўрапейскіх адносін.

Апроч таго, студэнты праграмы змогуць атрымаць навыкі аналітычнай і даследчай працы падчас напісання творчых прац, а таксама пашырыць прафесійныя кантакты з прадстаўнікамі акадэмічнай і экспертнай супольнасцей.

Заняткі праводзяць вядучыя беларускія спецыялісты ў галіне еўрапейскіх даследаванняў.

Да ўдзелу запрашаюцца ўсе зацікаўленыя асобы. Прыярытэт надаецца студэнтам старэйшых курсаў і асобам з вышэйшай адукацыяй ва ўзросце да 30 гадоў.

Прыём на навучанне ажыццяўляецца па выніках сумоўя. Для запрашэння на сумоўе неабходна запоўніць анкету.

Навучанне ў «Беларускім калегіюме» — бясплатнае.

«Беларускі калегіум» таксама працягвае набор на праграмы «Найноўшая гісторыя» і «Журналістыка: падставовы курс». Інфармацыю пра праграмы глядзіце на вэб-сайце «Беларускага калегіюма».

Навучальныя праграмы «Беларускага калегіюма» арыентаваныя на выкладанне найноўшых фрагментаў сучаснай веды і тэхнік інтэлектуальнай працы і не дублююць існуючыя праграмы дзяржаўных і недзяржаўных універсітэтаў. Сертыфікат «Беларускага калегіюма» не замяняе дыплом аб вышэйшай адукацыі.

Дадатковую інфармацыю можна атрымаць праз адрас электроннай пошты: [email protected].