15 ліпеня 2016 года Беларуская нацыянальная платформа ФГС УП прыняла зварот у сувязі з тэрарыстычным нападам у Ніцы, у выніку якога загінула болей 80 мірных людзей і пацярпела яшчэ некалькі дзясяткаў.

Зварот

Беларускай нацыянальнай платформы
Форума грамадзянскай супольнасці Усходняга партнёрства

«У сувязі з тэрарыстычным нападам у Ніцы»

Амбасадзе Французскай Рэспублікі ў Рэспубліцы Беларусі

Прадстаўніцтву Еўрапейскага Саюза ў Рэспубліцы Беларусь

15 ліпеня 2016 года

Мы, прадстаўнікі арганізацый грамадзянскай супольнасці Рэспублікі Беларусь, аб'яднаныя ў рамках Беларускай нацыянальнай платформы Форума грамадзянскай супольнасці Усходняга партнёрства, выказваем свае глыбокія спачуванні Французскай Рэспубліцы і Еўрапейскаму Саюзу, чые грамадзяне ўвечары 14 ліпеня 2016 года пацярпелі ад жахлівага акту гвалту і тэрарызму ў Ніцы.

У гэтыя дні мы разам з вамі перажываем адбыўшуюся трагедыю, глыбока смуткуючы аб ахвярах і пацярпелых — мірных людзях Францыі, Еўрасаюза, іншых краін свету. У гэты няпросты момант мы хочам выказаць свае шчырыя спачуванні і падтрымку французскаму грамадству і, у асаблівасці, людзям, у чый дом прыйшла бяда.

Крываваму і безлітаснаму нападу ў Ніцы падчас святкавання нацыянальнага свята Францыі падвергнуліся не толькі мірныя жыхары, але і тыя каштоўнасці, якія глыбока падзяляем усе мы: свабода, роўнасць, дэмакратыя, гуманізм і, у першую чаргу, чалавечае жыццё, якое з'яўляецца безумоўнай вышэйшай каштоўнасцю.

Мы заклікаем Францыю, Еўрапейскі Саюз, краіны-партнёры да аб'яднання ў адстойванні гэтых каштоўнасцей, супрацьдзеянні дзікаму тэрарызму і прыняцця адэкватных і сістэмных мер бяспекі для абароны сваіх грамадзян у сувязі з заўважным павялічэннем рызыкі тэрарыстычных пагроз у сучасным цывілізаваным свеце.

Мы верым у тое, што цывілізаваны свет зможа аб'яднацца вакол гэтай трагедыі і абараніць свае грамадствы, грамадзян і каштоўнасці. Вельмі важна зрабіць гэта не шляхам эскалацыі гвалту ці саступак тэрарыстам, а дзякуючы салідарным і асэнсаваным дзеянням ў інтарэсах правоў чалавека і нашых народаў.

Беларускія арганізацыі грамадзянскай супольнасці — удзельнікі Беларускай нацыянальнай платформы Форума грамадзянскай супольнасці Усходняга партнёрства

Спампаваць тэкст 

Télécharger le texte