З 12 верасня 2016 года пачаўся прыём заявак на агульнаўніверсітэцкія курсы і семінары ў Лятучым універсітэце. У ліку прапануемых курсаў новай адукацыйнай праграмы — курс «Правілы аналітыкі: дадзеныя ды іх інтэрпрэтацыя».

Сучаснае жыццё напоўненае вымярэннямі і дадзенымі, якія збіраюцца кожнае і імгненне — так, што падаецца ўсё нашае жыццё апісана праз іх. Застаецца толькі б атрымаць да іх доступ, і шмат таямніц стане зразумелымі. Мы дазнаемся пра тое, што схавана пад бюрактарычнымі працэдурамі, незразумелымі словамі і шматлікімі фактамі. Рух да выкарыстання адкрытых дадзеных звязаны не толькі з ведай, але і з магчымасцямі разумення, аналізу, прыняцця рашэння і, у выніку, далучэння да кіравання сваім жыццём, нашым агульным жыццём.

Але ўсё гэта магчыма толькі пры ўмове валодання дакладнымі інструментамі сбору, аналізу і інтэпрытацыі дадзеных. Калі гэтая умова не выконваецца, мы патрапляем у пастку штучнай карціны свету, неадэватных высноў і, нарэшце, памылак у дзеянні.

Курс будуць весці:

• Андрэй Ягораў — метадолаг і палітолаг, магістар палітычных навук, дырэктар Цэнтра еўрапейскай трансфармацыі, эксперт Агенцтва гуманітарных тэхналогій;
• Тацяна Вадалажская — метадолаг і сацыёлаг, кандыдат сацыялагічных навук, эксперт Агенцтва гуманітарных тэхналогій, старшы аналітык Цэнтра еўрапейскай трансфармацыі;
• Алена Барадачова — матэматык, загадчык сектарам матэматычнай апрацоўкі і аналізу сацыялагічнай інфармацыі Інстытута сацыялогіі НАН Беларусі.

Прапанаваны курс будзе пабудаваны на высвятленні шэрагу пытанняў, звязаных з базавымі памылкамі ў аналітычнай працы і інтэрпрэтацыі дадзеных. Плануецца, што падчас курса будуць разгледжаны і абмеркаваны наступныя тэмы:

• Адкрытыя дадзеныя — адкрытыя магчымасць;
• Што такое добра і што такое кепска ў аналітычнай працы. 10 пунктаў па якіх можна зразумець, ці давяраць аналітыцы;
• Тэорыя ўсяго, ці Як павінна быць пабудавана даследаванне;
• Карціна свету праз статыстычныя законы: межы і магчымасці разумення;
• Правілы чытання і інтэпрэтацыі дадзеных (табліцы, адсоткі і г.д.);
• Сувязь паміж з’явамі.

Курс будзе ісці цягам вясновага семестра.

Запісацца на курс можна да 10 кастрычніка 2016 года!

Гл. таксама: Адукацыйная праграма Лятучага ўніверсітэта 2016-2017 года