12 чэрвеня 2019 года ў Мінску адбудзецца дыскусія вакол праблемы даверу ў беларускім грамадстве.

Дыскусія «Давер у грамадстве і калектыўныя энергіі дэмакратычных пераўтварэнняў» арганізавана Міжнароднай асацыяцыяй гуманітарыяў (МАГ) і Лятучым універсітэтам і ладзіцца ў межах другога (мінскага) этапа міжнароднага семінара «Давер, адказнасць і сацыяльная згуртаванасць у сучаснай Украіне».

Дыскусія накіравана на высвятленне сувязі паміж (не)даверам у беларускім грамадстве і (ня)здольнасцю грамадзян і асобных сацыяльных груп да самаарганізацыі і дзейных ініцыятыў у інтарэсах развіцця як сваіх лакальных супольнасцей, так і краіны агулам.

Дыскутантамі выступяць: філосаф і метадолаг Уладзімір Мацкевіч (Лятучы ўніверсітэт), філосаф Таццяна Шчытцова (ЕГУ, МАГ), камунікацыйны кансультант Раман Касціцын (ARS Communications), рэдактар Яніна Каралевіч-Картэль (Citydog.by). Мадэратар дыскусіі — Таццяна Вадалажская (Лятучы ўніверсітэт).

Размова будзе будавацца вакол наступных пытанняў:

• У якіх сферах найбольш востра адчуваецца недавер у беларускім грамадстве? Што спараджае і ўзмацняе недавер?
• Ці мае (не)давер найперш эмацыйныя ці рацыянальныя карані? Якімі сродкамі магчыма працаваць з гэтай з’явай?
• Якія ёсць канструктыўныя практыкі пераадолення недаверу?

Да ўдзелу ў дыскусіі запрашаюцца даследчыкі, грамадскія дзеячы і шырокае кола зацікаўленых у абмеркаванні праблемы даверу ў беларускім грамадстве.

Дыскусія «Давер у грамадстве і калектыўныя энергіі дэмакратычных пераўтварэнняў» адбудзецца 12 чэрвеня (серада) у мінскай прасторы «Другі паверх» (прасп. Машэрава, 9, 2-гі паверх). Пачатак у 18.00.

Для ўдзелу патрэбна папярэдняя рэгістрацыя.

UPD. Відэазапіс дыскусіі: