На першай сесіі Савета Рэспублікі парламентары верхняй палаты разгледзелі пытанні прызнання сваіх паўнамоцтваў, абралі кіраўніцтва і стварылі пяць камісій.

Старшынём Савета Рэспублікі паўторна абралі Анатоля Рубінава, які ўзначальваў верхнюю палату і ў парламенце папярэдняга склікання. Выбары прайшлі на безальтэрнатыўнай аснове; кандыдатуру Рубінава прапанаваў чалец Савета Рэспублікі Аляксандр Косінец, кіраўнік Віцебскага аблвыканкаму.

Намеснікам старшыні Савета Рэспублікі абралі кіраўніка прэзідыума Нацыянальнай акадэміі навук Анатоль Русецкі — прадстаўнік Мінска ў верхняй палаце парламента.

Звяртаючыся да чальцоў Савета Рэспублікі, Аляксандр Лукашэнка падкрэсліў: сенатары мусяць супрацоўнічаць з насельніцтвам.

«Праца сенатараў павінна быць бачная ў рэгіёнах. Паводле ўчынкаў парламентароў будуць меркаваць пра эфектыўнасць усёй сістэмы ўлады», — зазначыў кіраўнік дзяржавы.

Паводле дырэктара Цэнтра еўрапейскай трансфармацыі Андрэя Ягорава, Савет Рэспублікі — не палітычны орган.

«Наш парламент не ёсць палітычным органам, бо не выконвае ў палітычнай сістэме ніякіх істотных функцый», — мяркуе Андрэй Ягораў.

На думку палітолага, парламент у Беларусі ўяўляе з сябе перадпенсійны санаторый для рэгіянальнага і цэнтральнага чынавенства.

Belsat.eu