29 декабря 2020 года в режиме онлайн состоялась беседа, в ходе которой ее участники обсудили изменение ситуации с доверием в беларусском обществе в ходе событий уходящего года.
Андрэй Ягораў: Супраца Лукашэнкі з армянскім алігархам адмоўная для іміджу краіны (Відэа)
Распачаўся не анансаваны візіт Аляксандра Лукашэнкі ў Арменію. Паводле экспертаў, фінансавая выгада ад яго для нашай краіны не вялікая. Затое прыватныя дывідэнды больш відавочныя. Візіт заяўлены як афіцыйны, аднак шмат пунктаў яго праграмы звязаныя з прапановамі... армянскага алігарха. Але ці мае прэзідэнт удзельнічаць у непразрыстых кантактах з замежнымі багачамі?
Арменія — былая савецкая краіна, якую нярэдка жартам называюць «беднаю раднёю Закаўказзя». Сапраўды, эканамічнымі дасягненнямі Ерэван пахваліцца не можа, што даволі істотна адбіваецца і на дабрабыце мясцовага насельніцтва. На ўласныя вочы пераканаліся ў гэтым нават журналісты нашага тэлеканала.
Валер Руселік, журналіст:
«Калі ад’язджаць ад сталіцы — ад буйных турыстычных цэнтраў, то ў астатніх рэгіёнах насельніцтва жыве бедна. Гэта заўважаецца, нават калі прыязджаеш з Беларусі, дзе, падавалася б, таксама невялікія заробкі».
Але тым не менш, менавіта Арменію Аляксандр Лукашэнка абраў для свайго чарговага візіту. Сёння прэзідэнт Беларусі наведаў Ерэван. У першы дзень афіцыйных сустрэчаў бакі падпісалі шэраг дакументаў аб супрацы ў галіне ядравай бяспекі, сельскай гаспадаркі ды спорту.
Аляксандр Лукашэнка, прэзідэнт Беларусі:
«Нам патрэбны супольны пошук новых сумесных форм эканамічнага ўзаемадзеяння, уключна з рэалізацыяй супольных прамысловых, інфраструктурных праектаў, з прыцягненнем інвестыцый і ўводам больш сучасных тэхналогій».
Варта адзначыць, што супраца ў гэтым кірунку вялася і раней — праўда, беспаспяхова. Летась таваразварот паміж Мінскам і Ерэванам склаў менш за 50 млн. долараў. Сярод экспартных найменняў — пераважна апоны, грузавыя аўтамабілі, трактары і нафтапрадукты.
Леў Марголін, эканаміст:
«Але ўсё гэта пакуль што ў такіх аб’ёмах, што можна было спакойна абысціся і без афіцыйнага візіту кіраўніка дзяржавы».
А таму ўвагу прыцягваюць іншыя акалічнасці візіту. Каля трапа самалёта Лукашэнку вітаў мясцовы алігарх і палітык Гагік Царук’ян. Больш за тое, прэзідэнт Беларусі пасяліўся ў ягонай віле ды плануе прыняць удзел у цырымоніі адкрыцця казіно і рэстарану армянскага бізнесоўца. Раней, яшчэ ў Беларусі, Лукашэнка прысутнічаў на адкрыцці лініі разліву армянскага каньяку, саўладальнік якой — усё той жа Царук’ян. Паводле экспертаў, такая шчыльная супраца прэзідэнта з алігархам негатыўна адбіваецца на іміджы Беларусі.
Андрэй Ягораў, палітолаг:
«Выглядае гэта не так прыстойна для кіраўніка дзяржавы беларускай. Хацелася б, каб калі б такое і было, каб гэта не выпіналася. Для рэпутацыі краіны гэта не вельмі карысныя дзеянні».
Што звязвае гэтых двух людзей — эксперты не бяруцца казаць. А вось той факт, што падчас візіту ў Ерэван Лукашэнка шукае яшчэ і палітычнага падтрымання ў міжнародных арганізацыях — наўрад ці хтосьці можа аспрэчыць.
Андрэй Ягораў, палітолаг:
«Гэта перш за ўсё Усходняе партнёрства. Вось напярэдадні Саміта неабходна ўзгадніць некаторыя пазіцыі з Арменіяй. Арменія заўсёды падтрымлівае Беларусь і ў пытаннях Еўранэста, і ў пытаннях больш поўнага ўключэння беларусаў у гэтую ініцыятыву».
І вось тут бакі займаюць цалкам салідарныя пазіцыі ды гатовыя бясконца адзін аднаго падтрымліваць. Дзівіцца тут няма чаго. Прэзідэнт Арменіі Сэрж Саргсьян прыйшоў да ўлады ў 2008 годзе. Тады апазіцыя пратэставала супраць масавых фальсіфікацыяў выбараў. У выніку сутыкненняў з праваахоўнікамі падчас мітынгу загінулі 9 асобаў. Сёлета Саргсьян пераабраўся на новы тэрмін, і чарговы раз яго абвінавацілі ў тым, што Арменія ўсё больш становіцца падобная да Беларусі.
Другие публикации
-
«Умные люди»: Андрей Егоров и Геннадий Коршунов — про протесты и забастовки (Видео)
Журналисты газеты «Белорусы и рынок» в своей программе «Умные люди» задают вопросы приглашенным экспертам.
-
Состояние и перспективы социальных наук на постсоветском пространстве (Видео)
18 октября в Минске прошел круглый стол по теме: «Состояние и перспективы социальных наук на постсоветском пространстве, их способность описывать актуальные события».
-
Уводзіны ў філасофію Уладзіміра Мацкевіча. Серыя размоў (Аўдыё)
Размова шаснаццатая — пра тое, як адказваюць тэалогія, навука і філасофія на кантаўскія пытанні: «Што я магу ведаць?», «Што мушу рабіць?» і «На што магу спадзявацца?»
-
Андрей Егоров: Об актуальной электоральной ситуации в Беларуси — 2
Альтернативного властному сценария по-прежнему не просматривается. Предложенный Виктором Бабарико и его командой сценарий референдума вряд ли может быть таковым.
Комментарии и дискуссии
Онлайн-беседа: «Доверие в обществе: как оно сегодня возможно?» (Видео)
29 декабря 2020 года в режиме онлайн состоялась беседа, в ходе которой ее участники обсудили изменение ситуации с доверием в беларусском обществе в ходе событий уходящего года.